Bloggletin er í algleymingi og ekkert lát virðist vera á henni....

Örstutt tilkynningarskylda ef eitthver skyldi vera að pæla, erum búin að vera í tæplega viku núna hér í Óðinsvéum hjá Árna og co en erum að leggja af stað heim á morgun en það mun verða langt og skemmtilegt ferðalag - komum væntanlega ekki í Reykjavík fyrr en seinnipart á föstudag.

Við verðum bara með sömu íslensku gemsa númerin okkar þegar við komum heim ef einhver skyldi hafa áhuga á að bjalla á okkur frá og með fimmtudeginum en þá stígum við aftur á klakann

Ef einhverjum leiðist og langar að forvitnast nánar um það sem á daga okkar Steina hefur drifið þá veit ég ekki betur en að hvorki meira né minna en 2 ný albúm séu komin inn á www.bestur.com - sérstaklega mæli ég með að þið tékkið á "hreyfi"myndunum en á tímabili fengum við hjú algjört ógeð á hefðbundnum myndauppstillingum og tókum því upp á nýbreytni sem fólst í hreyfi myndum. Sjáið hvað ég á við ef þið kíkið á myndirnar.

Góðar kveðjur og mikið hlakkar okkur til að koma heim!  Löfan og Skeini

Búdapest var fín borg, minnti soldið á Róm sem er enn uppáhaldsborgin okkar beggja. Í Búdapest tókum við því bara alveg afskaplega rólega og höfðum það huggulegt enda á hóteli og gátum notið friðarins alveg í botn (maður er ekkert að fá besta svefninn á þessum hostelum). Við gerðum bara það sama og alltaf þarna, röltum um miðbæinn, skoðuðum helstu túrista staðina, kíktum pínu í búðir, fengum okkur bjór og hvítvín til að kæla okkur niður. Í Búdapest er alveg ótrúlega mikið af stórum og flottum byggingnum og þá erum við ekki bara að tala um svona frægar byggingar heldur líka bara hús þar sem fólk býr. það sem stóð uppúr var hins vegar þinghúsið sem var RISA stórt og svo kastali sem stóð upp á hæð og gnæfði yfir borgina. Það sem mér fannst samt best var þegar við skelltum okkur heilan dag í svokölluð tyrknesk böð - ummmmm það var himneskt. Fullt af inni og úti sundlaugum og heitum pottum o.fl.

Í gær um hádegisbil komum við svo hingað til Bratislava þar sem við erum núna. Tékkuðum okkur á hostel og fórum svo strax út að þramma einsog við segjum alltaf.  Katarina sem var með mér í skólanum í Árósum býr hér rétt hjá svo hún var búin að senda mér mail um hvað væri gaman að sjá og gera sem við höfum verið að fylgja. Í dag lágum við svo í leti í almenningsgarði á svæðinu og nutum sólarinnar og lásum og höfðum það næs.

Erum núna að reyna að skipuleggja restina af ferðinni. Förum á morgun til Tékklands. Þar sem við höfum áður farið til Prag og þar sem við nennum ekki að vera endalaust í þessu stórborgarstússi þá er stefnan tekin á minni bæ sem heitir Cesky Krumlov. Þar ætlum við að vera í 2 nætur og keyra svo til Þýskalands og vera í 2 næstur í Dresden eða Leipzig áður en við endum hjá honum Benny í Hannover.

Það eru komin 2 ný myndaalbúm á www.bestur.com - endilega kíkið á þau!

Þar til síðar.....

Fínt að nota tímann á meðan við keyrum til að skrifa texta til að henda hingað inn. Maður tímir nefnilega ekkert að hanga inni í tölvunni þegar maður er á svona nýjum stöðum og hvað þá þegar veðrið er svona æðislegt. Erum s.s. núna á leið til Búdapest og erum ofsalega spennt fyrir því – Benny er búinn að segja okkur að þetta sé fallegasta borg í heimi svo við bíðum bara spennt að sjá hvort það er rétt. Erum í dag búin að vera í 3 löndum: Póllandi, Slóvakíu og nú erum við í Ungverjalandi. Suður hluti Póllands kom okkur ótrúlega skemmtilega á óvart, það er svo fallegt þarna og ekki tók verra við í Slóvakíu. Ég held í alvöru að það sé bara eitt fallegasta land sem ég hef séð. Skógi vaxin fjöll til allra átta með kastölum og ám og ég veit ekki hvað. Yndislegt. />

Krakow olli okkur alls ekki vonbrigðum.  Skemmtilegur miðbær með stóru torgi sem var stærsta markaðstorg Evrópu á 18. Öld, risa stór kastali uppá hæð í miðri borginni með þvílíku virki í kringum sig, kirkja sem spilar lag á klukkutimafresti sem hættir svo í miðji lagi, Kazimirez sem er gamla gyðingahverfið og ég veit ekki hvað og hvað. Þetta fórum við allt saman að skoða og þar að auki verksmiðju Oscars Schindler og síðast en ekki síst AUSCHWITZ. Veit ekki alveg hvernig maður á að lýsa því að hafa farið þangað. Þetta er eitthvað sem allir hafa gott af að sjá og læra um og algjört MUST að fara með guide sem segir manni frá staðarháttum og hvað gerðist hvar. Byrjuðum á ferð um Auschwitz 1 þar sem „Arbeit Macht Frei“ skiltið er. Þar er búið að breyta húsunum í safn þar sem búið er að hengja upp myndir og útskýringar og raða upp ýmsum munum sem fundust í búðunum þegar þær voru opnaðar. Það var því ekkert enn í upprunalegu ástandi sínu nema eitt hús þar sem við fengum að sjá fangaklefana og svo vegginn þar sem fólk var leitt útí garð og skotið! Hrikalegt! Maður var með ónota tilfinningu allan tímann og þegar við vorum þarna í upprunalega húsinu þá vildi maður bara út STRAX. Það sem sjokkeraði mann svo alveg svakalega var að sjá alla munina eftir fólkið. Allt hárið! Allir skórnir! Allar skálarnar! Allir burstarnir! Allar ferðatöskurnar! Allir gervifæturnir! ..... æ maður veit ekki hvað maður á að segja. Við fórum svo inn í „actual“ gasklefa þarna þar sem mörg þúsund manns voru drepnir. Ólýsanlegt og hræðilegt.  Úr Auschwitz 1 var svo haldið yfir í Auschwitz 2- Birkenau.  Þær búðir sem sagt hýstu flest fólkið sem lifði af, en þar gátu verið um 90. þús manns á meðan Auschwitz 1 tók aðeins við 25. þús (og var samt auðvitað hrikalega þröngt um fólk á báðum stöðum). Það var þegar við komum þangað sem það virkilega sló mann hvað þetta var eitthvað stórt og raunverulegt. Þar sá maður í upprunalegu ástandi braggana sem fólkið bjó í í alvöru.  Ég segi bara einu sinni enn: HRIKALEGT!  Lang versta af öllu fannst mér þegar við Steini fórum eftir túrinn og löbbuðum ein um svæðið og fórum þá inn í einn af kvennabröggunum. Þar var enginn nema við og þetta leit bara alveg einsog út einsog braginn hefði verið yfirgefinn í gær og ekkert búið að gera við hann. Mér leið svo hrikalega þarna inni að ég bara heimtaði að fara út. Þar fékk ég bara eina verstu tilfinningu sem ég hef fengið á ævinna. Æ jæja ætla ekkert að segja meira, fólk þarf að fara þarna sjálft – þessi staður amk hafði mikið áhrif á okkur Steina.

Gleðilegra er að segja frá því hvað er búið að vera gaman hjá okkur að gista svona á hostelum. Hostelin sem við höfum verið á hér eru ALLT öðruvísi en þau sem við vorum að gista á í interrailinu 2004 og MIKLU betri. Þetta eru meira einsog bara litlar íbúðir og það er soldið einsog maður sé bara í heimsókn hjá einhverjum (nema í herbergi með 10 manns í viðbót). Hostelið sem við vorum á í Krakow var rosalega skemmtilegt og við kynntust fullt af fólki. Fyrst hittum við hann Leo frá Svíþjóð sem við erum einmitt búin að mæla okkur mót við í Búdapest. Svo voru það 2 strákar frá Lettlandi sem gistu með okkur í herbergi og voru staddir í Póllandi í business ferð. Ákaflega hressir, eða amk annar, hinn talaði litla ensku. Ég spjallaði svo slatta við 2 finna sem voru ákaflega ánægðir með finnsku kunnáttu mína en ég að sjálfsögðu sagði þeim aðeins frá því sem Terhi var búin að kenna mér. Þarna voru líka amerískar mæðgur, mamma og 2 dætur sem byrjuðu á að spyrja hvaða tungumál er talað á Íslandi   Þær voru afskaplega indælar og mamman heimtaði að gefa mér einhverja hvítlaukstöflur þegar hún sá moskítubitin sem ég er með. Ég ég því fulla krukku af hvítlaukstöflum núna

Kommentadálkurinn bítur ekki - þar til síðar, ferðalangarnir

Sæl og blessuð kæru lesendur. />

Nú erum við hjúin stödd á hraðbraut í Póllandi, nánar tiltekið á hraðbrautinni sem liggur á milli Wroclaw og Krakow með stefnuna á síðarnefnda staðinn. Þetta er nefnilega tæknibill sem við erum í. GPS, I-pod og tölva eru allt tæki sem eru í notkun akkúrat núna – ekki samt halda að við séum bara að stússast  í einhverju svona í bílnum við erum líka að velta fyrir okkur umhverfinu. Það hefur t.d. komið okkur báðum á óvart hversu fallegt land Pólland er. Hér eru bara grænar sléttur og stór tré og snyrtilegt og flott á meðan við héldum að allt væri grátt og guggið með stóriðjuver umá hverju  strái, Ó NEI kallinn minn aldeilis ekki. />

Síðan síðast höfum við eytt tíma í Poznan og síðan Wroclaw. Vorum í 2 nætur í Poznan á Frolic Goats hostelinu þar sem við gistum í 12 manna herbergi en reyndar bara ásamt einum manni, tæplega 50 ára gömlum Ástrala sem er í miðri 10 mánaða heimsreisu. Voða gaman að hitta svona fólk og maður dáist alveg af því að geta ferðast svona eitt. Okkur leist rosavel á Poznan og hefur bærinn án efa upp á meira að bjóða en Szczecin (enda ekki krefjandi – það er EKKERT í S einsog fram hefur komið). Það sem aðallega var skemmtilegt við Poznan var gamli miðbærinn.  Í honum miðjum er torg byggt upp af  gömlum húsum  í hring sem allt annað er síðan byggt í kringum. Nú er auðvitað búið að setja ógrynni af matsölustöðum og börum þarna á torgið svo það iðar af lífi og ekki skemmdi fyrir að það var einhver götuhátíð í gangi svo á vegi manns urðu hin ýmsu skemmtiatriði. Eitt sem við sáum ma. Sem var mjög flott var einhverskonar loftfimleikahópur sem sýndi listir sínar í stórri kúlu sem var föst í krana og var færð upp og niður – mjög töff. Þar sem þetta er budget ferð og við soldið búin að fá okkar skammt af söfnum og kirkjum þá höfum við meira einbeitt okkur að því að bara rölta um og velta umhverfinu og menningunni fyrir okkur og það er bara afskaplega gott og skemmtilegt. Auðvitað kíkjum við samt líka á þessa helstu túrista staði. En í þessum menninga rrannsóknum okkar þá höfum við komist að nokkrum staðreyndum um Pólverja: />

1.       Þeir ELSKA litla bíla og eiga ótrúlega mikið af þeim! />

2.       Þeir tala ENGA ensku />

3.       Þeir elska hvítlauk />

4.       Þeir elska kebab />

5.       Þeir elska sósu />

Man ekki fleira í bili en við vorum komin með langan lista af fleiri svona atriðum. Man heldur ekkert annað merkilegt í augnablikinu til að segja ykkur frá Poznan en það kemur þá bara seinna J />

Við keyrðum svo til Wroclaw í gær og vegirnir voru sem betur fer miklu skárri en seinast. Sá bær var líka bara valinn uppá staðsetningu að gera því hann er akkúrat á milli Poznan og Krakow. Krakow var sem sagt sá bær sem við vorum spenntust fyrir. Wroclaw kom æðislega  á óvart. Þar er líka gamall bær með stóru torgi einsog í Poznan nema hvað að þarna var allt 2x stærra enda bærinn líka 600 þúsund manna á meðan hinn er 300 þús. Við tókum röltið á túristastaðina og í miðbænum og fórum m.a. upp í turninn á dómkirkjunni þar sem var rosalega skemmtilegt útsýni og fylgdumst svo með pólsku brúðkaupi. Það var mjög skemmtileg upplifun en ekki myndi ég vilja hafa svona marga túrista í mínu brúðkaupi! Það sem er líka soldið skemmtilegt þarna í Wroclaw er að bærinn var upphaflega bara á einni eyju sem liggur útá ánni svo þangað labbar maður úr miðbænum yfir fjölda fallegra brúa og kemur svo að gömlum fallegum byggingum í röðum alveg. Svona byggingar kunnum við svo sannarlega að meta enda ekkert af þeim á Íslandi />

Annað sem var skemmtilegt við Wroclaw var nafnið á bærnum sem er sko borið fram ALLT ÖÐRUVÍSI en við myndum gera það. Við Steini höfum því tekið uppá að kalla bæinn WAR-CLAW = Stríðskló og fundist það nokkuð skemmtilegt />

> >
Jæja við erum að detta hérna að útjaðri Krakow svo best að fara að fylgjast betur með og fara að finna upplýsingar um hostelið, enda þetta blogg líka alveg orðið nógu langt. Verð samt að koma á framfæri ótrúlegri aksturshæfni Steina sem í fyrsta lagi keyri hérna eins og innfæddur án alls hiks og í öðru lagi hefur tekist að halda eyðslu bílsins í einungis 5,7 á hundraðið! Geri aðrir betur. Kem með Krakow fréttir fljótlega – hafið það gott, það höfum við svo sannarlega. />

Já nú er orðið langt síðan síðast, eða amk hefur margt á daga okkar drifið síðan seinast.

Eftir að hafa verið hjá Tedda í 2 nætur fluttum við okkur yfir til Árna og Silju og vorum hjá þeim í 3 nætur. Æðislega gaman að vera hjá þeim og íbúðin að verða voða fín.

Á þriðjudagsmorgun héldum við svo af stað í ferðalagið. Fyrsti áfangastaður var Wismar í Þýskalandi. Völdum þann bæ útaf staðsetningunni en hann var fínn millivegur milli Danmerkur og Póllands. Bókuðum ódyrasta hótelið sem við fundum á netinu sem svo reyndist vera 4 stjörnu eðal hótel með sundlaug og gufu og öllum pakkanum, sem við nýttum okkur að sjálfsögðu. Mjög næs. Bærinn var lítill og sætur en uppfullur af gömlu fólki - vorum ekki alveg að fitta inn en þetta var fínt.

Héldum þaðan til Szczecin í Póllandi. Þurftum auðvitað að byrja á því að setja okkur inn í hinn pólska gjadmiðil, zlotty, en þegar við vorum komin með gengið á honum og sáum að allt var ekki fokdýrt leið okkur betur. Þetta á náttla að vera soldil budget ferð hjá okkur en hótelið sem við gistum á þessa fyrstu nótt í Póllandi bar svo sannarlega ekki merki um það - nei nei sæll þetta var MEGA hótel en við höfum greinilega bara nælt okkur í svona gott verð á netinu. Jæja ræði ég bara um hvar við gistum og læt einsog við höfum ekki verið að gera neitt skemmtilegt. Það er hins vegar ekki svo því við erum virkilega búin að hafa það gaman. Reyndar er það svo að í þessum bæ, Szczecin ( ef einhver kann að bera þetta fram má sá hinn sami gefa sig fram) er akkúrat EKKI NEITT að gerast fyrir utan það að hægt er að versla. Það var ekki tilgangur okkar og því var það svo að við drukkum bara bjór og röltum um og reyndum að drekkja okkur í hinni pólsku menningu sem reyndar í þessum bæ er mjög þýsk því bærin er alveg á landamærunum. Um kvöldið kíktum við svo í stór tjald með risa skjá og stúlku og alles sem hafði sérstaklega verið sett upp til að horfa á EM: Við vorum nú ekki viss um að Pólverjarnir myndu taka vel í það að við héldum með Þýskalandi og þar sem við vildum helst ekki láta berja okkur neitt sérstaklega mikið þá reyndum við bara að vera dipló Ég var lygilega góð að geta til um úrslit leiksins og hafði þau að sjálfsögðu rétt og gat meira að segja sagt að Tyrkland myndi skora seinna markið sitt á 85. mín! Farin að vera frekar nákvæm....en nóg um það.

Í dag lögðum við svo snemma af stað enda ekkert að gera í Szczecin (já mér finnst gaman að skrifa þetta nafn). Stefnan var sett á Poznan þar sem við svo enduðum en JESÚS minn vegirnir sem við keyrðum! Ó mæ god - ég var farin að hella í mig hvítvíni á leiðinni til að róa taugarnar!! En já einsog ég sagði þá komumst við að lokum á áætlunarstað og erum núna stödd á hostelinu "Frolic Goats" sem er alveg í downtown Poznan. Ætlum bókað að vera hér í 2 nætur og höfum því tekið því mjög rólega í dag og haft það virkilega gott. Hitinn í kringum 28. gráður og sól og þægindi. Erum búin að virða fyrir okkur gamla bæinn en bærinn er byggður upp í kringum hið svokallaða "Old town square" sem er virkilega flott og skemmtilegt. Við erum líka svo heppin að hér er einhver þemavika í gangi svo miðbærinn iðar af lífi og skemmtiatriðum. Hér er svo líka svona tjald með risa skjá svo annað kvöldið í röð fórum við og horfðum á fótboltann - í þetta skiptið var tjaldið og stúkan fyrir utan það algjörlega troðin. Við Steini vorum að giska á að þarna hefðu verið um 3.500 manns og öskur og læti. Þvílík stemming..

Jæja ég veit ekkert hvað ég er að skrifa. Eftir stressið í dag með vegina of eftir að hafa legið í bjórnum þá er maður bara ansi þreyttur og því erum við bara að skella okkur í koju (í bókstaflegri merkingu). Heyrumst

Jæja þá get ég klárað síðan áðan en margt breyttst í millitíðinni, m.a. það að nú erum við formlega orðin heimilislaus og komin til Odense. Sit hérna í tölvunni hans Tedda á meðan Steini leikur sér í PLaystation tölvunni hans og Teddi sjálfur er að elda.... aldeilis skemmtilegir gestir - leti gestir!

Jæja áðan þegar ég skrifaði þá vorum við s.s. að bíða eftir varmemasternum til að koma og taka út íbúðina. Hann var s.s. akkúrat að mæta og það í fyrra fallinu en það var hið besta mál því við vorum búin að öllu. Hann var bara ángæður með þetta hjá okkur nema hvað að við fengum sekt upp á 79 kr  fyrir að hafa ekki þrifið filterinn inní háfnum yfir eldavélinni! WHAT hvernig í fjandanum áttum við að gera það, þvílíkt vesen að náð þessu út og bölvað vesen og þurfti sko að lesa leiðbeiningabæklinginn til að gera þetta en SÓ VOT 79 kr er ekki hræðilegt.

VIð vorum búin að raða öllu dótinu í bílinn þegar hann Ernst kom svo við gátum bara strax farið. En bæ ðe vei þá erum við með alveg ÓGEÐSLEGA mikið af dóti! Þegar Terhi sá hrúguna í gærkvöldi þá sagði hún bara NO WAY - þetta kemst aldrei í bílinn but Steini proved her wrong. Það komst s.s. allt inn en hluti af því er sem betur fer bara að fara hingað til Óðinsvéa. Fyrsti viðkomustaður var Hasle Ringvej, ég fór reyndar á hjólinu því ég skil það eftir þarna niðurfrá hjá honum Petri sem ætlar að reyna að selja það fyrir mig og svo kom Steini. Petri var arfleiddur af krikketsettinu og BRianna fékk kaktusana okkar og svo gáfum við Benny litla Íslenska fánann okkar og hann var ekkert smá hamingjusamur með það   Það var alveg hræðilegt þegar við þurftum að kveðja þau og við erum strax búin að fá e-mail um að koma til baka frá þeim

Næst hittum við hann Piotr og kvöddum hann og hittum svo Terhi í hádegismat niðrí skóla. Eftir það var svo versta mómeti í heimi - ég þurfti að kveðja hana .....ooooo það var hræðilegt. Þeir sem þekkja mig vita að ég er ekkert brjálæðislega svona tilfinningasöm en ég grét þarna einsog lítið barn (og líka eftir að ég fór aftur útí bíl). Ég er strax farin að sakna hennar alveg hærðilega mikið.....DEMIT! En svona er þetta bara.

Kvöddum svo Bergdísi og Björn og létum þau fá smá meira dót en þau tóku flest af húsgögnunum okkar. Að lokum hittum við svo hann Hjalta niðrí bæ. Það er strax búið að plana hitting með honum og Hörpu í ágúst heima svo ég sakna hans nú ekki það mikið

Keyrðum loks til Odense og hér erum við nú    Jæja farin að spjalla við strákana

Já þá er því miður komið að því, við erum flutt í ferðatöskurnar og á leið frá Árósum   Hræðilega sorglegt - búinn að vera æðislegur tími og maður er ekki alveg tilbúinn að sleppa þessu strax.

Við erum búin að vera að ganga frá og þrífa í gær og í dag og nú sitjum við bara og bíðum eftir að Varme... seinni hann er kominn að skoða

Manni líður hálf undarlega þessa dagana, tilhlökkun að fara í ferðalag og fyrir því að vera að fara heim fljótlega en að sama skapi er maður líka ákaflega sorgmæddur að kveðja vini sína og að pakka saman hér í íbúðinni. Hræðilegt að vera að fara héðan - hvert fóru þessir 6 mánuðir? Okkur líður einsog við höfum komið hingað í gær.

Steini og Teddi eru núna að fara með sófann okkar útí Shoppit sem er svona second hand store til að selja hann og svo eru Björn og Bergdís að kíkja á okkur í kvöld því þau ætla að fá eitthvað af dótinu okkar. Það fer s.s. allt að tæmast og svo höfum við bara morgundaginn í að klára að pakka og þrífa 

Æ veit ég var að skrifa núna það sama og í seinustu færslu en maður er bara eitthvað svo sorgmæddur yfir þessu öllu að það er gott að koma því aðeins út hérna. 

Jæja best að fara að þvo og pakka.

Kv. Ólöf sem trúir því ekki að hún þurfi að fara að kveðja Árósir

Já góða lífið heldur áfram. Vikan hefur einkennst af því að við höfum haft rosalega mikið að gera. Ferðalög til Ebeltoft og uppá Skagen, fótboltakvöld í bænum, Minigolf í Bruun´s, fótbolti og grill heima hjá okkur og já bara allsherjar gleði.

Er eiginlega ekki að nenna að segja frá þessu hér en þið getið kíkt á myndirnar á www.bestur.com og séð þar hvað við höfum gert. Ferðin á Skagen var sérstaklega skemmtileg þar sem við sáum höfin 2 mætast á nyrsta odda Danmerkur og gengum svo um í hinni dönsku eyðimörk sem er ótrúlegt fyrirbrigði.

Skiptinemarnir týnast nú heim einn af öðrum og því fer samfélagið hér að verða ansi fámennt en er enn alveg ótrúlega góðmennt Verður hrikalega sorglegt að segja bæ við alla - er alveg með kvíðahnút yfir því í maganum, sérstaklega yfir því að kveðja Terhi og svo á hann Steini eftir að sakna Benny gríðarlega. En það þýðir ekki að maður eigi eftir að missa samband við þetta fólk og ég er fullviss um að þau eigi eftir að koma í heimsókn til íslands einhvern tímann í framtíðinni.

Annars erum við búin að ganga frá því við Varmamesterinn hérna á kollegíinu að hann komi í hádeginu á miðvikudag og taki út íbúðina uppá skemmdir og slíkt sem þýðir að við þurfum að vera búin að tæma allt þá. Seinasti dagurinn okkar hér í Árósum er s.s. á miðvikudag eða eftir 5 daga - ViÐ hreinlega trúum því ekki að þessi tíminn hér sé liðinn    Æ Æ ég verð bara hálf sorgmædd að skrifa þetta.  En við fáum að hitta Árna og Silju og strákana í staðinn svo það er jákvætt, mikið hlökkum við til að sjá litlu gormana þá Atla og Fróða og svo erum við auðvitað að fara í ferðalag svo það er alltaf skemmtilegt

Ekki lengra í bili, ætla að pakka smá áður en Terhi kemur hingað um 9 leytið. Við erum sko að fara að horfa á úrslitaþáttinn í raunveruleikaþættinum " A shot at love with Tila Tequlia" sem er einsog einskonar "Bachelor" nema að stelpan sem er á velja sér maka er að tvíkynhneigð svo valið stendur á milli stelpna OG stráka....eðal sjónvarpsefni.

Já nú erum við svo sannarlega fyrir alvöru farin að lifa góða lífinu hér úti. Öll próf úr sögunni og nú gerum við bara nákvæmlega það sem við viljum. Fór s.s í seinasta á föstudaginn og fékk 7, sem er bara fínt. Til að fagna próflokum komu Hjalti og Harpa í grill til okkar. Vorum með Mojhito í fordrykk, grillbrauð með tómötum og osti í forrétt, piparsteikur með bernais og alles í aðalrétt og svo crepes með nutella í eftirmat = ÁTVEISLA!!! EN UMMMMM hvað þetta var gott   Líka alveg æðislegt að veðrið lék við hvern sinn fingur, sól og logn og góður lofthiti svo við sátum bara úti til að verða 22 að spila og hafa það gott.  Gærdagurinn fór svo í ströndina. Mættum þangað uppúr hádegiog vorum í heildina svona 20 stk þarna saman, voða gaman að fara svona margir. Maður er alveg farinn að geta farið útí sjó, auðvitað kalt fyrst en svo bara venst maður því á 1 mín. Þetta er bara orðin einsog á Spáni og lyktin af sólarvörn liggur í loftinu   Við skelltum okkur svo í partý i hinu alræmda Runkehalle hér á Skjoldhoj. Það er sem sagt stigagangur nr. 155 sem hefur fengið þetta skemmtilega nafn   Við erum að tala um að það voru örugglega svona 150 manns þarna - þetta var svakalegt

Nú er kl. 12:30 og við svona tiltölullega nývöknuð. Stefnan er aftur tekin á ströndina í dag, ætlum að hitta fólk þar núna kl. 13.  Einsog við höfum alltaf sagt - það er svo sannarlega alltaf nóg að gera hérna, þessir skiptinemar sitja sko ekki auðum höndum. Í kvöld á svo að fjölmenna á Billabong bar niðri bæ þar sem á að horfa á leikinn Þýskaland-Pólland á EM og eru menn gríðarlega spenntir fyrir þessum atburði, sérstaklega Benny sem er þýskur vinur okkar (og dýrkar Steina )  Benny þessi, sem ég hef nú örugglega minnst á áður, er svona ekta þjóðverji hvað það varðar að hann er ótrúlega smámunasamur og vill hafa allt á hreinu. Þessi bar sem stefnan er tekin á er s.s. ekki mjög stór en er búinn að auglýsa að hann ætli að sýna leikinn. Benny vildi nú vera samt alveg viss svo hann fann út hver eigandinn var og sendi honum tölvupóst til að spyrja hvort að leikurinn yrði ekki alveg örugglega sýndur!   Svo er annað mál það að leikurinn byrjar ekki fyrr en kl.21. Benny ætlar samt að mæta kl. 18 og er búinn að draga Steina með sér, en afhverju? Jú því hann vill ná góðum sætum!   að auki þá tímir hann ekki að kaupa sér bjórinn á venjulegu verði svo hann ætlar að nota sér "happy hour" sem er á milli 18-20    hehehehehe hann er snillingur. Ekki samt taka því einsog hann sé einhver nánös og leiðindaskarfur, ALLS EKKI. Okkur líkar alveg ofsalega vel við hann og þeir Steini hafa myndað einskonar bjórdrykkju-team Einsog ég sagði þá vill hann bara vera með hlutina á hreinu og svo á hann bara ekkert sérstaklega mikinn pening svo happy hour er skiljanlegt.

Jæja best að fara að taka sig til - ströndina kallar. Annars er stefnan í vikunni tekin á annars vegar Legoland og hins vegar Ebeltoft. Fer eftir veðri og vindum hvenær við förum því það á víst að koma rigning einn dag í vikunni og það væri glatað að fara í Legoland akkúrat þá.

På gensyn - Ólöf

Bara aðeins að kvitta, er "on a thight schedule" í dag - seinasta prófkvikindið á morgun. Reikna nú ekki með að koma sjálfri mér aftur á óvart einsog í seinsta prófi þar sem hér er um aðeins erfiðara efnið að ræða, samrunar og yfirtökur, svo maður þarf að vera duglegur í lestrinum. Búin að leggja línurnar fyrir daginn með lestri í 45 mín og pásu í 15 alltaf til skiptis. USS talandi um skipulag - já það kann maður, þ.e. að skipuleggja en að standast það - það er allt annað. Er samt að standast þetta þokkalega. Ligg hérna úti því maður einsog sannur íslendingur vill ekki missa dropa af sólinni en það eru einmitt svona 800 gráður úti svo ég er að steikjast. Þegar ég lít svo yfir á nágranna mína hérna rétt hjá mér þá nánast dey ég úr öfund því þau eru með uppblásna sundlaug og liggja bara í henni og "hygge sig" - ummmmm væri ég til í svona sundlaug! (Með því að nota hugtakið "hygge sig" er ég að meina að þau eru ekki bara að liggja þarna og kæla sig niður ÓNEI það gerist sko ýmislegt þarna í þessari sundlaug enda eru þessir nágrannar ekki þekktir fyrir neina feimni!!). Ekki nóg með það heldur eiga þau líka uppblásna mörgæs sem er svona meter á hæð, sé reyndar ekki tilganginn með henni (hugsanlega eitthvað tendg því að "hygge sig"??) en hún er töff   Annars skellti Steini sér í smá veiði. Fékk engan með sér því allir eru auðvitað að læra en ákvað samt að drífa sig

Ég ætla svo að aldeilis að hafa það gott eftir prófið á morgun. Er auðvitað seinust einsog alltaf með tilheyrandi stressi við biðina þar til röðin kemur að mér en svona er þetta bara. Skrítið samt hvernig ég raðast í þessu próf, var seinust í fyrsta, verð seinust í þessu og svo voru bara 2 á eftir mér í miðju prófinu. Hinir Íslendingarnir eru alltaf tiltölulega snemma. Kennararnir kannski að "save the best for last"   Vonum það.

Hvernig á maður að geta gert nokkuð þegar maður er svona sveittur! Við eskimóarnirnir erum bara ekki gerð fyrir svona hita! 

Annars var Steini að skella inn myndum.

Fréttir af klakanum eru alltaf vinsælar í kommentunum

Kv. Sveitta og Sveitti

Hér sitjum við bara þessa dagana úti í sól og sumaryl og njótum lífsins. Veðrið hérna uppá sitt allra besta og maður hreinlega tímir ekki að vera inni. Garðurinn er því í extra mikilli notkun þessa dagana. Ég fór s.s. í prófið á föstudaginn og kom öllum og þá sérstaklega mér á óvart með snilldarþekkingu minni á mannréttindum, já já rakaði inn heilli 10 á prófinu og kennarinn sagði að þetta hefði bara verið alveg svakalega gott hjá mér. Gaman að heyra það enda einhvern veginn datt ég niður á það í prófinu að ramba alltaf á rétt svör - skil ekkert hvernig ég fór að því en er bara ánægð með það. Tok auðvitað kvöldið í nettan fögnuð. Fór eftir prófið og hitti Terhi, Adam og Red en þau eru að vinna saman að verkefni um "horse shoe crabs" og ég myndi segja að ég sé búin að vera sérstakur ráðunautur í því verkefni, getið því bara spurt mig ef ykkur vantar að vita eitthvað um mökunarleiðir þessara krabba   Eftir að þau kláruðu smá í verkefninu var haldið á Fredagsbar í læknadeildinni sem að þessu sinni var utandyra því veðrið var svo gott. Frekar næs að sitja bara í grasinu og drekka bjór   Héldum svo í bæinn ásamt Petri og fengum okkur ís og tókum röltið á þetta og hittum svo Steina og Benny á einhverjum bar. Þeir tóku sem sagt pöbbarölt seinasta fös frá kl.18 og til 3 - Aldeilis. Við Terhi héldum svo bara heim á Skjoldhoj á skikkanlegum tíma og tókum spila session heima há Terhi með bjór og við undirleik youtube en það er sko aldrei rólegt heima hjá henni því strákarnir eru alltaf eitthvað að hlusta á tónlist og stússast. Héldum svo á barinn með þeim seinna meir og það var bara ákaflega skemmtilegt.

Á laugardaginn var svo sofið út til 1!!! Já ég var sko aldeilis þreytt eftir svefnleysi í kringum prófið og svo að vera svona lengi á barnum. Um 2 leytið ákváðum við samt að drífa okkur á ströndina ásamt Hjalta og Hörpu og vorum þar yfir daginn. Héldum svo heim til okkar í grill og gátum borðað úti og allt.  Verst bara að það voru allar búðir lokaðar svo við urðum bara að bjóða þeim uppá pulsur, ekkert sérlega huggulegt eftir að þau buðu okkur til sín um daginn í svkaa flottan mat en við þurfum bara að fá þau til okkar aftur í eitthvað almennilegt.

Í gær var svo bara sólbað og afslappelsi. Skelltum okkur samt aðeins í Bilka með Terhi og hún borðaði svo með okkur. Við tvær tókum svo smá Rummikub heima hjá henni um kvöldið. JÁ við erum NÖRD en okkur finnst þetta skemmtilegt og það nennir enginn annar að spila við okkur

Æ voðalega er þetta eitthvað nákvæmt upptalningarblogg - datt ekkert annað í hug til að skrifa en bara nákvæmlega það sem við erum búin að vera að gera.  Annars erum við Steini ekki enn farin að ákveða hvað við ætlum að gera eftir að við missum íbúðina okkar en það er eftir 17 daga. Byrjum samt væntanlega á því að vera aðeins í Odense en sjáum svo til. Erum voða spennt að hitta Árna og Silju og strákana þegar þau koma hingað út en þau koma á 17.júní. Annars stefnum við á það á milli 6. júní þegar ég klára prófin og 19. júní þegar við flytjum að ferðast soldið hérna á Jótlandi og hanga á ströndinni. Það verður huggulegt - verst bara að hitinn í bílnum er ekkert eðlilegur og miðstöðin virkar EKKI NEITT.

Dettur ekkert fleira í hug í bili. kv. Ólöf

Hér er bloggletin í hámarki og því engar nýjar fréttir komið nokkuð lengi. Prófstress er jafnframt í hámarki, Human Rights próf á morgun og mér finnst ég ekki kunna neitt - ætlaði nefnilega að treysta á að þetta væri kommon sens en svo er víst ekki    Fór í aukatíma í morgun og hann var einsog köld vatnsgusa í andlitið og ekki nóg með það heldur lenti ég í því á leiðinni niðrí skóla að reka fótinn í brenninetlu og ég er að deyja mig svíður svo í fótinn!! Ástandið gæti því verið betra

Vikan annars búin að fara aðallega í lærdóm og þess á milli í gláp á "gott/lélegt" raunveruleikasjónvarp á MTV. Þessir þættir sem boðið er uppá eru ótrúlegir!

Kannski Steini skelli einhverju hér inn - ég kveð í bili áður en ég fæ nervous brekdown yfir því að vera ekki að læra.

Byrja á einu note to self:  Þetta með að hjóla með lokaðan munninn til að forðast flugur á líka við um hlaup!  

Já ég s.s. fór út að hlaupa í gær útí skógi og gleypti flugu. Huggulegt. Kvöldið þar áður fór ég líka að hlaupa útí skógi og hljóp þá fram hjá hjónum, í fyrri hringnum brostu þau voða mikið til mín en þegar ég hljóp fram hjá þeim í annað sinn fékk ég "to thumbs up" Ó MÆ - veit ekki hvort það sé gott eða slæmt. Getur verið gott = dugleg þú að fara út að hlaupa eða slæmt = Vá hvað þú ert dugleg að geta hlupið 2 hringi en ert samt svona feit! Hehehehe.

Lærdómurinn gengur ekki neitt - ætla ekkert að vera að ljúga. Steini minnir mig í sífellu á að ég eigi nú að fara að lesa en það ber svo sannarlega ekki tilskyldan árangur því ég verð bara pirruð. Greyið strákurinn að þurfa að umgangast mig - þetta fer nefnilega alveg í mínar fínustu.  Málið er bara að næsta próf er ekki fyrr en 30. maí og það er bara ekki komin nægilega mikil pressa - einsog ég hef alltaf sagt, ég er best undir pressu   Vonum að ég fari samt að taka mig á. Er til að mynda búin að setja mér markmið að klára ákveðið fyrir fimmtudaginn og það er einsgott að standa bara við það.

Annars er titill þessarar bloggfærslu "All night long" heiti júróvision lags Dana sem hann Simon Matthews syngur (og er í leiðinni að nota auglýsinguna til að selja eigin geisludisk - brjálæðislega mikið auglýstur á MTV).  Að sjálfsögðu er stefnan tekin á að horfa á keppnina. Eitthvað verður áhorfið dræmt í kvöld en að sjálfsögðu fylgjumst við með Íslandi á fimmtudaginn. Laugardagurinn verður svo tekinn í sjónvarpsáhorf frá kl. 15. Jóakim prins er nefnilega að fara að gifta sig og því verður að sjálfsögðu sjónvarpað. Við Terhi sem höfum gerst sérstakir aðdáendur dönsku konungsfjölskyldunnar og þá sérstaklega Friðriks krónprins og fjölsk. ætlum að horfa á frá upphafi og borða köku en skipta svo yfir í kokteila og horfa á júróvision um kvöldið. Ákvörðun um þetta var bara tekin í gær svo enn á eftir að bjóða fleiri áhorfendum með í þennan einstaka menningarviðburð   Verst er bara að á laugardagskvöldið er jafnframt kveðjupartý niðrá Asylvej fyrir hana Yasmin frá Skotlandi svo eitthvern veginn þarf að púsla þessu saman. Verst bara að við erum ekki sérlega æstar í að hjóla á milli eftir að hafa fengið okkur smá kokteila því í fyrsta lagi eru þetta um 9-10 km og í öðru lagi var hann Piort sem býr hér á Skjoldhoj að hjóla heim af djamminu seinustu helgi og datt svona svakalega að hann nánast reif af sér eyrað, sem gerir fylleríshjólreiðar ákaflega óheillandi!   En þetta kemur í ljós, best að láta hlutina bara ráðast   

Jæja farin að borða þennan dýrindis lax sem hann Steini er að elda fyrir mig, kærar kveðju heim., Ólöf